Истиқлолият воқеан, як калимаи муқаддас ва бузург мебошад, ки миллатҳо солҳову асрҳо баҳри ба даст овардани он дар он чизе доранд, харҷ мекунанд, вале боз ноком мегарданд ва орзуҳои худро ба олами хомушӣ мебаранд. Истиқлолият калимаест, ки ба ҳеҷ иборае онро наметавон баён намуд, онро танҳо эҳсос метавон кард. Истиқлолият калимаест, ки миллатро ба ҷаҳониён муаррифӣ менамояд. Истиқлолият мафҳумест, ки шаъну шараф ва ҳуқуқу озодиҳои миллатро таъмин менамояд. Истиқлолият калимаест, ки шахси баҳри ноил гаштан ба ӯ ҷонсупурдаро дар саҳифаҳои заррини таърих қаҳрамон ва шуҷоу далер сабт менамояд.

Субҳи рӯзи шанбеи 25 апрели соли 2026 дар Донишгоҳи давлатии Кӯлоб ба номи Абуабдуллоҳи Рӯдакӣ машқи пагоҳирӯзии дастаҷамъӣ баргузор гардид. Чорабинӣ бо мақсади татбиқи сиёсати варзишпарваронаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи тадбирҳо бахшида ба истиқболи шоиста аз 35-солагии Истиқлолияти давлатии Ҷумҳурии Тоҷикистон роҳандозӣ шуд. Дар он ҳайати роҳбарият, омӯзгорон ва донишҷӯён бо рӯҳияи баланд ширкат варзиданд.

Дар ҷаласаи кафедраи забоншиносӣ ва типологияи муқоисавии факултети филологияи хориҷии Донишгоҳи давлатии Кӯлоб ба номи Абуабдуллоҳи Рӯдакӣ муҳокимаи рисолаи илмии унвонҷӯи кафедраи мазкур Ҳакимова Зарина Абдуалимовна дар мавзуи “Таҳлили муқоисавии роҳҳоиифодаи савол дар забонҳои тоҷикӣ ва англисӣ аз нигоҳи тарҷума”, зери роҳбарии доктори илмҳои филологӣ, профессор Турсунов Фаёзҷон Мелибоевич баргузор гардид.

Дар доираи амалӣ намудани Созишномаҳои ҳамкорӣ ба МТОК-и хориҷи кишвар чорабиниҳои гуногун баргузор мегарданд. Тибқи чунин як нақшаи муштарак бо Академияи давлатии ҳуқуқи Саратови Федератсияи Россия, санаи 23.04.2026 корманди донишгоҳ дар конференсияи байналмилалӣ таҳти унвони “Язык и культура в праве” тариқи онлайн иштирок ва суханронӣ намуданд.

Дар кӯдакистони «Ситора»-и назди Донишгоҳи давлатии Кӯлоб ба номи Абуабдуллоҳи Рӯдакӣ машғулияти адабиёти бадеӣ дар гурӯҳи синни 2–3 сола таҳти роҳбарии мураббия Раҷабгули Иззат баргузор гардид. Машғулият дар асоси афсонаи халқии «Мурғ, муш ва мурғобӣ» роҳандозӣ шуда, ҳадафи он рушди нутқ, ғанӣ гардонидани захираи луғавӣ ва тарбияи ҳисси ҳамкориву дӯстӣ дар байни тарбиятгирандагон буд.

Дар кафедраи таҳлили математикӣ ва назарияи функсияҳои Донишгоҳи давлатии Кӯлоб ба номи Абуабдуллоҳи Рӯдакӣ бо мақсади дар амал татбиқ намудани дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон семинари илмӣ-методии кафедра баргузор гардид.

Имрӯз, 23 апрели соли 2026, дар Донишгоҳи давлатии Кӯлоб ба номи Абуабдуллоҳи Рӯдакӣ бо мақсади дар амал татбиқ намудани дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ҷиҳати тарбияву омоданамоии кадрҳои дорои дараҷа ва унвонҳои илмӣ семинар-машварати илмӣ-назариявӣ баргузор гардид.

Дар маркази омузиши ҳунарҳои мардумии Донишгоҳи давлатии Кӯлоб ба номи Абуабдуллоҳи Рӯдакӣ маҳфили “Ҳунар - хазинаи зар”-и назди кафедраи фанҳои гуманитарӣ ва методикаи таълими онҳо бо иштироки роҳбари маҳфил Раҳматов Ҷумахон, дотсенти кафедра Мирзоева Бунафша ва аъзоёни маҳфил баргузор гардид.

Дар факултети филологияи руси Донишгоҳи давлатии Кӯлоб ба номи Абуабдуллоҳи Рӯдакӣ таҳти унвони «Чӣ гуна классика аҳамияти худро нигоҳ медорад» маҳфили адабӣ баргузор гардид. Чорабинӣ дар доираи татбиқи Барномаи давлатии «Такмили таълим ва омӯзиши забонҳои русӣ ва англисӣ дар Ҷумҳурии Тоҷикистон то соли 2030» роҳандозӣ шуда, ҳадафи он боло бурдани завқи адабӣ ва шиносоии бештари донишҷуён бо мероси адабони классик буд.