Санаи 16.12.2025 дар шаҳри Душанбе бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон мусобиқаи ҷумҳуриявӣ оид ба волейболи соҳилӣ байни ҷавонон (бонувон ва мардон) баргузор гардид, ки намояндагони Донишгоҳи давлатии Кӯлоб ба номи Абуабдуллоҳи Рӯдакӣ дар он иштироки фаъолона намуда, сазовори ҷойи намоён гардиданд.

Дар Донишгоҳи давлатии Кӯлоб ба номи Абуабдуллоҳи Рӯдакӣ вохӯрии Раиси Шурои занону духтарони донишгоҳ, дотсент Мирзораҳматова Гулнора бо кормандони хоҷагии донишгоҳ аз ҳисоби занон баргузор гардид. Вохӯрӣ ба баррасии нуктаҳои муҳимми Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олӣ бахшида шуд.

Боиси хушнудӣ ва сарфарозии тамоми мардуми шарафманди Тоҷикистони биҳиштосост, ки ҳамасола дар фазои сулҳу субот, оромиву осоиштагӣ Паёми роҳбари хирадафзои миллат ба Маҷлиси Олии Ҷумҳурии Тоҷикистон ва кулли мардум “Дар бораи самтҳои асосии сиёсати дохилию хориҷии Ҷумҳурии Тоҷикистон” ироа мегардад. Паёми навбатие, ки аз ҷониби Пешвои муаззами миллат ба аҳли зиё ва мардуми шарифи Тоҷикистон пешниҳод шуд, натиҷаҳои фаъолияти яксолаи Ҳукумати Ҷумҳурии Тоҷикистонро фаро гирифта, ҳамаи самтҳои ҳаётан муҳимро ба таври амиқ таҳлил ва баррасӣ намуданд.

Имрӯз дар хобгоҳи донишҷӯдухтарони Донишгоҳи давлатии Кӯлоб ба номи Абуабдуллоҳи Рӯдакӣ вохӯрии судманд ҷиҳати баррасии Паёми Пешвои миллат, истифодаи сарфакоронаи неруи барқ ва пешгирӣ аз ҳолатҳои нохуш, аз ҷумла сӯхтор, баргузор гардид. Дар вохӯрӣ муовини ректори донишгоҳ оид ба тарбия, дотсент Шарифзода Одинамо, сардори раёсати тарбия, дотсент Шарипов Анвар, Раҳматуллоев Баҳром - ассистенти кафедраи мудофиаи гражданӣ ва омодагии дифои ҳарбӣ, ҳамчунин намояндагони раёсати тарбия ва донишҷӯдухтарони хобгоҳ иштирок намуданд.

Терроризм ва экстремизм яке аз зуҳуроти номатлубест, ки тамоми сайёраро ба ташвиш овардааст. Махсусан дар асре, ки инсон ба кайҳон меравад, инсон зеҳни сунъӣ месозад, зиндагиву тараққиёт рӯ ба авҷ аст ва ҳатто то ҳафтум осмон парчами илмро парафшон мекунад, аммо мутаассифона, ҳолиё ҳастанд нафароне, ки мехоҳанд оташи ҷанг бештар афрӯхта шавад, дӯстиву бародарӣ аз миён биравад ва ҳатто бародарон дар симои якдигар душмани ҷони худро бубинад, чӣ басо хонаҳо сӯхта шаванд ва кӯдакон кушта. Ин амали нангинро онҳо барои шараф медонанд ва бе ягон фикру андеша ба он даст мезананд. Барҳақ Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон онҳоро ба силоҳи ҳастаӣ монанд кардаанд, ки агар истифода бишавад, ҳеҷ касро зиндаву саломат намегузоранд.

Дар факултети филологияи тоҷик ва журналистикаи Донишгоҳи давлатии Кӯлоб ба номи Абуабдуллоҳи Рӯдакӣ аз ҷониби муаллими калони кафедраи забоншиносӣ ва таърихи забон Сайдалиева Сарварбӣ дарси намунавӣ, аз фанни забони адабии ҳозираи тоҷик, дар гурӯҳи таълимии 104-и ихтисоси рӯзноманигорӣ бо иштироки ҳайати омӯзгорони факултет гузаронида шуд. Мавзуи дарс “Сифат ва хусусиятҳои грамматикии он” муқаррар гардида буд.

Дар партави дастуру супоришҳо ва иқдомҳои бунёдкоронаю созандаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати вусъат бахшидани корҳои ободонию поксозӣ, кабудизоркунӣ ва хуррамгардонии ҳар як гӯшаи диёр, дар Донишгоҳи давлатии Кӯлоб ба номи Абуабдуллоҳи Рӯдакӣ пайваста шанбегиҳои дастаҷамъона баргузор карда мешаванд. Ин иқдомҳо ба беҳдошти муҳити зист, таҳкими фарҳанги тозагӣ ва ҷалби бештари ҷавонон ба корҳои ҷамъиятӣ равона гардидаанд.

Рӯзҳои 12–13 декабри соли 2025 Донишгоҳи давлатии Кӯлоб ба номи Абуабдуллоҳи Рӯдакӣ мизбони баргузории мусобиқаи ҷумҳуриявӣ оид ба шамшербозӣ миёни ҷавонон (духтарон ва писарон) гардид. Мусобиқаи мазкур бо ташаббуси Федератсияи шамшербозии Тоҷикистон дар ҳамкорӣ бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон доир шуда, варзишгарон аз тамоми минтақаи кишварро ба ҳам овард.

Субҳи рӯзи шанбеи 13-уми декабри соли 2025, дар доираи идомаи чорабиниҳои варзишӣ, дар саҳни бинои асосии Донишгоҳи давлатии Кӯлоб ба номи Абуабдуллоҳи Рӯдакӣ машқи дастаҷамъонаи пагоҳирӯзӣ бо иштироки роҳбарият, устодон ва донишҷӯён баргузор гардид.